[Bahasa Makassar] Rua Pakelongna Gowa Appasulu’ Kelong Mangkasara’ “Teai Jodota” na “Tepo’ Jarung”

LONTARA GOWA, TEKAPE.co — Rua kelong bahasa Mangkasara’, iyami antu “Teai Jodota” na panritai Daeng Talli, siangang “Tepo’ Jarung” na pareka Wahyu Jangji, na pappiissengangi mae ri tau jaiyya, Sabtu 3 Januari 2026, bangngi Ahad laloa, ri Perumahan Gowa Lestari, Kabupaten Gowa.

Kelong-kelong na anjo Daeng Talli siagang Wahyu Jangji, angngimbolongi pappasang mabaji ri pangadakkangna Gowa.

Acara pabburitta na anjo ruayya kelong Mangkasara, niaki nabattui langsung Bupati Gowa, Sitti Husniah Talenrang.

I lalang acarayya anjo, rua pakelonga anne ni palecei ri Bupati Husniah, na saba’ appasuluki kelong pappasang baji. Na kana Husniah, anne kelonga, akkullei a’jari pappasang mabaji ri tallasana tau jaiyya.

“Kelong kamponga anne tena na simata pannyaleori mange ri ati sinoa, iyareka ati rannua, mingka ngimbolongi pappasang pangadakkanga, parallua nijaga siagang niwarisi mange ri anak cucu ta ngaseng,” na kana Husniah.

Ri nia’na kelong “Teai Jodota” siagang “Tepo’ Jarung” na harapki kulle a’jari pappilajarang mange ri anak cucu na Gowa, siagang kullei a’jari saba’ ana’-anaka nangai bahasa Mangkasara ka.

Anjo ri acarayya, nia’ tongi poeng battu Kasatpol PP Kabupaten Gowa Umar Madjid, Anggota DPRD Gowa Andi Lukman Naba, Camat Somba Opu, siagang jajaran Kelurahan Batangkaluku. (up)

Terjemahan Makassar – Indonesia