BAHASA BUGIS: Program Ibas-Puspa Natarimai Sibawa Madeceng Pole Ri Tau Maega e Ri Luwu Timur

Rindhu Brizik

Oktober 2, 2024 | 9:30 am

Colon Bupati Luwu Timur, Irwan Bachri Syam memperkenalkan programnya pada pengukuhan tim kabupaten Ibas-Puspa. (ist)

MALILI, TEKAPE.co – Program na Pasangan Calon Bupati sibawa Wakil Bupati Luwu Timur, Irwan Bachri Syam – Puspawati Husler (Ibas-Puspa), natarimai sibawa madeceng pole ri tau maega e ri Luwu Timur.

Ri antara program magellona iyya tarima perhatian ri tauwe iyanaritu program 3 Kartu Sakti, iyanaritu Kartu Luwu Timur Sehat, Kartu Luwu Timur Pintar, nenniya Kartu Lansia.

Kartu Luwu Timur Pintar iyanaritu untu’ bantui indo’ ambo’ untu’ passikola ana’na.

Mappammulai jamang mappasikolae, beasiswa, sibawa assikolang laingnge. Nainappa Kartu Luwu Timur Sehat, untu’ mappedecengngi tau maega iyya maeloe makkita lao ri pelayanan kesehatangnge.

Mappammulai pole ambulan gratis antar-jemput lettu rujukan lao ri Makassar, onrong mattette, naiyya tunru’na kaluwargana tau malasae wettu ri Makassar.

“Insya Allah, maelo runtu’i pelayanan kaminang magello, pole kamara, dottoro, pabbura lettu’na majjappa, purana massu ri rumah sakit, de’na ullei mabbeere seddi rupiah,” makkedai Ibas.

Makkotoparo tau salama pole lasana, maelo lisu ri Luwu Timur, pamarenta passadiyai oto ambulan.

Program Ibas-Puspa laingnge iyanaritu Kartu Lansia.

Ibas-Puspa mabbere toi perhatian lebbi lao ri tauwe iyya muttama ri kategori Lansia (tau matowa) iyarega umuru’ 60 taung, sibawa bantuang doi pole Pemkab. Iyaro Rp1 juta seddi tau per bulanna.

Pabbanua ri Luwu Timur, Nadia mappuada masennang ladde sibawa program Ibas-Puspa, utamana program tellu kartu sakti. Nasaba’ masero bantui tau maega e

Pabbicarana Ibas-Puspa, Muhammad Jayadi napau, iyyae program’e naruntu’ langsung rilaleng keluarga.

Nasibawai iyyae program’e, makkedana, doi untu’ apparelluang ruma tanggana wedding ripatette, nasaba’ apperelluang kesehatang nenniya aggurung ana’ e purani riturusi.

“Program 3 Kartu Sakti na Ibas-Puspa napenre’i ongkoso’na ruma tangga’e, utamana indo’na iyae maderri’e napenre’ ongkoso’na esso-esso. Yae ro program’e magello ladde sibawa parellu ri masyarakat’e makokoe,” pappaseng Jayadi.